Sektaður fyrir að aka á „675 km hraða“

Breskur leigubílstjóri hefur verið sektaður um 60 pund fyrir að aka á 675 km hraða, að því er segir á sektinni.

Bílstjórinn náðist á eftirlitsmyndavél þar sem hann var á ferð á bílnum sínum, tólf ára gömlum Vauxhall Cavalier með díselvél.

„Mér var nú dálítið brugðið því að það er óhugsandi að ég hafi farið þetta hratt,“ sagði bílstjórinn, sem ætlar að kæra sektina.

Fyrirtækið sem rekur öryggismyndavélarnar hefur reyndar viðurkennt að starfsmanni hafi orðið á mistök, og beðist afsökunar.

mbl.is

Bloggað um fréttina