Vann yfir sig og dó
Setja bókamerki
Starfsmaður verksmiðju Toyota í Japan dó eftir að hafa unnið 106 yfirvinnutíma á mánuði. Japanskur dómari hefur komist að þeirri niðurstöðu að maðurinn hafi unnið yfir sig og að ekkja mannsins skuli verða greiddar bætur.
Vinnueftirlit Toyota í Japan neitaði í fyrstu að greiða ekkjunni bætur vegna fráfalls mannsins, og sagði að hann hefði aðeins unnið 45 tíma í yfirvinnu mánuðinn áður en hann dó. Starfsmaðurinn hneig niður í verksmiðju Toyota í febrúar 2002 og lést af hjartaáfalli.
Samkvæmt heimildum er óhófleg yfirvinna mikið vandamál í Japan, þar sem hinn venjulegi starfsmaður notar minna en helming af launuðu fríi sínu. Árin 2005-6 fékk atvinnuráðuneytið 315 beiðnir um bætur frá fjölskyldum þeirra sem höfðu látist vegna sjúkdóma sem gætu talist vinnutengdir.
Fréttavefur Reuters skýrði frá þessu.
Óánægja er með áform um efnistöku
Komu saman á kyrrðar- og bænastund
Hætta vegna jarðfalls í sprungur metin töluverð
Íslensk hljómsveit margritskoðuð í Kína
Davíð Viðarsson var skyndihugdetta
Vangaveltur gengu lengra en innistæða var fyrir