Smokkar með félagsmerki
Setja bókamerki
Þýska knattspyrnufélagið St. Pauli, sem er frá Hamborg, hefur farið óvenjulega leið til fjáröflunar en nú geta stuðningsmenn þess keypt smokka með merki félagsins.
Tildrögin eru þau að nýr styrktaraðili St. Pauli er atkvæðamikill framleiðandi á erótískum varningi en félagið er einmitt með bækistöðvar sínar í hinu alræmda "gleðihverfi" Hamborgar og heimavöllurinn er steinsnar frá þekktustu götunni þar, Reeperbahn.
Smokkarnir sem nú eru til sölu eru fagurrauðir og merktir St. Pauli og vonast er til þess að stuðningsmennirnir taki vel við sér og kaupi þá í stórum stíl.
St. Pauli er "litla liðið" í Hamborg og stendur þar í skugga stórliðsins Hamburger SV. Liðið er í 12. sæti í 2. deild, næstefstu deildinni, en hefur stöku sinnum náð að komast eitt og eitt tímabil í efstu deild. Hvort nýjasti söluvarningurinn hjálpi liðinu að komast þangað á ný verður framtíðin að leiða í ljós.
Mikilvægt að úrræði séu endurskoðuð
Quang Le: „Rottuskíturinn kom mér á óvart“
Vendingar vestanhafs geti haft áhrif hér heima
Rannsóknin skýrist með hverjum degi
Hætta vegna jarðfalls í sprungur metin töluverð
Grænlendingar vildu ekki fá björninn til baka
Búið að fella björninn
Of margir nemendur og ákall um hæft starfsfólk