Skrýtnar kenndir á meðgöngu

Mun algengara er í dag en fyrir nokkrum áratugum að þungaðar konur telji sig þurfa að borða eitthvað ákveðið. En það er ekki alltaf matur sem konurnar þrá heitast. Samkvæmt nýrri skoðanakönnun þrá um þrír fjórðu hlutar kvenna eitthvað ákveðið á meðgöngu en fyrir fimmtíu árum staðfestu um 30% þungaðra kvenna slíkar kenndir.

Þriðjungur þess sem konurnar þrá er eitthvað annað en matur. Má þar nefna kol, sápu, tannkrem og svampa. En ísinn og súkkulaðið hafði vinninginn hjá flestum kvennanna sem tóku þátt í könnun gurgle.com.

Súkkulaðið var vinsælast og þar á eftir kom ísinn, svo annað sælgæti, sterkur matur, súrsaður laukur, suðrænir ávextir, karrí,  kleinuhringir, sulta, hnetusmjör, kartöflur og hnetur.

Eins sögðust konurnar vera vitlausar í alls konar samsetningar á mat sem þeim hafi aldrei áður hugnast. Má þar nefna súrmeti og hnetusmjör. Er það yfirleitt síðdegis sem þráin grípur um sig og á kvöldin en um 8% kvennanna viðurkenndi að laumast í eldhúsið að næturlagi. 

• 6 blogg um fréttina

Bloggað um fréttina

• Herdís Sigurjónsdóttir: þegar ég bruddi klaka
• Anna Guðný : Grjótharðar perur.
• Bergur Thorberg: Gasólétt og brjáluð í kol.
• hofy sig: Já hún er undarleg kvenkindin.
• Svava frá Strandbergi : Um tómata og rabbabara
• Helga skjol: Ekki minnist ég þess að hafa