Heimskasti glæpamaður Pennsylvaníu

Lögreglumenn í Pennsylvaníu-ríki Bandaríkjanna telja sig hafa fundið heimskasta glæpamann ríkisins en hann rændi lögreglumann á 300 manna ráðstefnu lögreglumanna.

Um var að ræða ráðstefnu lögreglumanna sem störfuðu í fíkniefnadeildum og var John Comparetto, sem kominn er á eftirlaun, meðal þeirra sem mættu. Hann var staddur á klósettinu þegar 19 ára piltur beindi að honum byssu. Strákurinn flúði með peninga og síma Comparetto en það tók Comparetto og félaga hans ekki langan tíma að elta strákinn uppi og handtaka hann.

Comparetto lýsir stráknum sem „líklega heimskasta glæpamanni í Pennsylvaníu.“ Skömmu eftir að strákurinn var leiddur fyrir rétt nálgaðist blaðamaður hann og óskaði eftir að fá einhver ummæli sem hafa mætti eftir honum. Drengurinn svaraði einfaldlega: „Ég er flottur.“

• 4 blogg um fréttina

Bloggað um fréttina

• Jakob Falur Kristinsson: Heimskur
• Mofi: Það er í lagi að stela, vita þeir ekki að …
• Ólafur Gíslason: Með "sett" úr ryðfríu stáli
• Anna Guðný : Jákvæð neeeeh. Fyndin já.