Skammast yfir samkynhneigðum fíl
Setja bókamerki
Pólskur stjórnmálamaður gagnrýnir stjórnendur dýragarðs í bænum Poznan í Póllandi harðlega fyrir að kaupa samkynhneigðan fíl.
Að sögn pólskra fjölmiðla hefur fíllinn Ninio, sem er 10 ára, nýlega bæst við í fílagirðinguna í Poznan. En svo virðist, sem hann kjósi frekar félagsskap karlfílanna en kvendýranna.
„Við borguðum ekki 37 milljónir zloty (um það bil 1,4 milljarða króna) fyrir stærsta fílahús Evrópu til að hýsa þar samkynhneigðan fíl," sagði Michal Grzes, þingmaður Laga- og réttarflokksins við pólska fjölmiðla. „Hvernig á Ninio að fjölga sér ef hann vill bara umgangast karlfílana?"
Forstjóri dýragarðsins segir hins vegar að Ninio sé ekki orðinn kynþroska enn og verði ekki fyrr en um 14 ára aldur. Því sé of snemmt að segja til um kynhneigð hans.
Eina leiðin var að fella björninn
Maðurinn sem leitað var að fannst látinn
Eðlileg viðbrögð að fella tár
Mikill viðbúnaður við Sæbraut
Fékk menningarsjokk þegar hann flutti aftur heim
Fjöldi í varðhaldi – mikið haldlagt á árinu
Komu saman á kyrrðar- og bænastund
Íslensk hljómsveit margritskoðuð í Kína