Átti við einkunnir dóttur

Nemandi í prófi, myndin tengist ekki fréttinni.
Nemandi í prófi, myndin tengist ekki fréttinni. Reuters

Starfsmaður á skólaskrifstofu í Pensylvaníuríki í Bandaríkjunum hefur verið sakaður um að breyta einkunnum nemenda í tölvu skólans til að bæta stöðu dóttur sinnar í bekknum. Konan hækkaði einkunnir dótturinnar en lækkaði einkunnir tveggja samnemenda.

Konan, Caroline Maria McNeal, notaði lykilorð þriggja samstarfsmanna án vitneskju þeirra til að eiga við einkunnirnar. Skólayfirvöld leiðréttu þær áður en nemendurnir útskrifuðust en McNeal gæti átt yfir höfði sér fangelsisvist og fjársektir fyrir glæpinn.

mbl.is

Bloggað um fréttina