Rekin eftir að hafa sagt „kynlíf“

Susannah Collins, íþróttafréttamaður á sjónvarpsstöðinni CSN, hefur verið rekin í kjölfar þess að hún mismælti sig í beinni útsendingu. Hún ætlaði að segja orðið „success [velgengni] en sagði óvart orðið „sex“ [kynlíf].

Collins var í beinni útsendingu í vikunni og var að fjalla um ísknattleik milli Chicago Blackhawks og Minnesota Wild. Í stað þess að segja „tremendous amount of success“ [gríðarlega mikla velgengni] sagði hún „tremendous amount of sex“ [gríðarlega mikið kynlíf].

Phil Bedella, framkvæmdastjóri CSN í Chicago, sagði í samtali við Chicago Tribune, að ákveðið hefði verið að Collins léti af störfum hjá sjónvarpsstöðinni. Hann óskaði henni velgengni í þeim störfum sem hún tekur sér fyrir hendur í framtíðinni. Bedella sagði að uppsögnin væri ekki tilkomin vegna mismælanna heldur hefði það mál beint sjónum stjórnenda CSN að tilteknum atriðum sem átt hefðu sér stað í fortíðinni og þetta hefði því orðið niðurstaðan.

• 2 blogg um fréttina

Bloggað um fréttina

• Ómar Ragnarsson: Allir reknir á Íslandi ?
• Júlíus Már Baldursson: Skildu áhorfendur ekki fá áfallahjálp?