„Í starfi mínu sem forsætisráðherra er mikilvægt að heyra hvað fólki finnst í alvöru. Og ef það er einhver staður þar sem fólk virkilega segir hug sinn, þá er það í leigubíl.“ Þetta segir Jens Stoltenberg, forsætisráðherra Noregs, í upphafi myndskeiðs sem hann birtir á Facebook-síðu sinni í dag.

Forsætisráðherrann er virkur á samfélagsmiðlum en á föstudaginn var gekk hann skrefi lengra til að blanda geði við almenning og settist undir stýri á leigubíl sem ók um miðborg Óslóar.

Stoltenberg kynnti sig ekki að fyrra bragði fyrir farþegunum en meðfylgjandi upptöku, úr öryggismyndavél sem beint er í aftursætið, má sjá viðbrögð fólks þegar það veltir því fyrir sér hvort það geti virkilega verið að leigubílstjórinn sé svona líkur forsætisráðherranum:

Flestum virðist líka þetta uppátæki forsætisráðherrans vel og fær hann mikið hrós fyrir á Facebook síðu sinni.

„Ég er kannski ekki besti ökumaður í heimi, en það var gaman að prófa sig sem leigubílstjóri,“ segir Stoltenberg.

Jens Stoltenberg forsætisráðherra Noregs. AFP

Tengdar fréttir

Þingkosningar í Noregi

Boðið að taka við öðrum flokki

• Ný ríkisstjórn tekur við völdum
• Stjórnarsáttmáli í höfn í Noregi
• Varaformaðurinn fær ekki ráðherrastól
• „Sögulegt stjórnarsamstarf“ í Noregi

» Fleiri tengdar fréttir

• Blogga um frétt