Kind og geit eignuðust afkvæmi
Setja bókamerki
Þetta er ekki aprílgabb. Mjög sjaldgæft lamb - nú eða kiðlingur, kom í heiminn á bóndabæ á Írlandi nýverið. Þetta litla dýr er afkvæmi kindar og geitur.
Slíkir blendingar eru kallaðir „geeps“ á ensku, hugsanlega „gindur“ á íslensku.
Í frétt BBC um málið segir að dýrið hafi komið í heiminn fyrir um tveimur vikum á býli bóndans Paddy Murphy. Litla gindin er sérstök í útliti - ekki eins og kind og ekki eins og geit en þó...
„Ég hef aldrei séð neitt þessu líkt,“ segir Paddy bóndi í samtali við írska bændablaðið. Fjölskylda hans hefur stundað sauðfjárrækt kynslóð fram af kynslóð.
„Hann er alveg ótrúlegur,“ segir hann um litla hrútinn (kiðlinginn?). Dýrið er heilbrigt, að sögn bóndans.
Talsmaður bændasamtaka í Ulster segir að afkvæmi geita og kinda séu gríðarlega sjaldgæf og að hann viti ekki um nein önnur slík í augnablikinu á öllu Írlandi.
Efastu enn um tilvist þeirra? Hér má lesa frekar um þetta fyrirbæri.
Eðlileg viðbrögð að fella tár
Búið að fella björninn
Finnar og Svíar taka ekki á móti særðum frá Gasa
Gerðu umfangsmiklar loftárásir á Líbanon
Eina leiðin var að fella björninn
Tveir í haldi grunaðir um mansal og smygl á fólki
Davíð Viðarsson var skyndihugdetta
Björninn sagður nálægt byggð