Amnesty hefur auga með Darfur

Amnesty International hóf í dag að setja inn gervihnattamyndir á netið af súdönskum þorpum á átakasvæðinu í Darfur til þess að þrýsta á stjórnvöld í höfðuborginni Khartoum að hleypa friðargæsluliðum Sameinuðu þjóðanna (S.Þ.) inn á svæðið.

Samtökin bjóða fólki um allan heim að skoða heimasíðuna www.eyesondarfur.org, sem verður uppfærð reglulega með nýjum myndum, og hjálpa til við að fylgjast með 12 þorpum í hættu og gera þannig stjórnvöldum grein fyrir því að fylgst sé grannt með vísbendingum um meira ofbeldi á svæðinu.

Á heimasíðunni er einnig að finna eldri myndir sem sýna þróunina á svæðinu frá því að átök hófust. Rúmlega 200.000 manns hafa dáið og 2 milljónir hrakist frá heimilum sínum. Á myndunum má sjá hvernig húsum hefur fækkað og landið komist í órækt.

Öryggisráð Sameinuðu þjóðanna samþykkti í fyrra að búa til 23.000 manna lið S.Þ og Afríkusambandsins, en forseti Súdan, Omar Hassan al-Bashir, þótti sá fjöldi of mikill. Hann samþykkti 3.000 lögreglumenn og hermenn frá S.Þ. sem viðbót við þá 7.000 manns Afríkusambandsins sem fyrir voru.

• 1 blogg um fréttina

Bloggað um fréttina

• Vefritid: Dauðinn og frelsið í Darfur