Gífurleg rigning hefur valdið samgöngutruflunum í New York-borg í dag þar sem flætt hefur í jarðlestagöngum og margra klukkustunda tafir orðið á flugi til og frá öllum völlum borgarinnar. Þúsundir manna hafa ekki komist til vinnu og um hríð var varað við hættu á skýstrokkum.
Loftraki er mikill og hefur Veðurstofa Bandaríkjanna gefið út veðuraðvörun vegna þess að búist er við að hiti geti farið í allt að 38 gráður vegna rakans.