Trúlofun í björgunarbáti á Suðurheimskautinu

Danska parið Jan Heikel og Mette Larsen gleyma líklega seint trúlofunardeginum. Jan Heikel notaði tækifærið meðan þau skötuhjúin voru um borð í björgunarbáti á Suðurheimskautinu og biðu björgunar og bað unnustu sinnar. Mette Larsen sagði strax já.

Mette og Jan voru meðal þeirra 154 sem björguðust þegar gat kom á farþegaskipið M/S Explorer við Suðurheimskautið. Engum sögum fer af því hvenær brúðkaupið verður haldið, en parið er komið ásamt flestum hinna farþeganna á hótel í Punta Arenas í suðurhluta Chile, og heldur innan skamms heim á leið.

• 2 blogg um fréttina

Bloggað um fréttina

• Guðjón Sigþór Jensson: Rómantíkin
• Jakob Falur Kristinsson: Danska parið