Eldur í frægu hóteli í Las Vegas

Eldur logaði síðdegis á efri hæðum Monte Carlo hótelsins í Las Vegas í Bandaríkjunum.

Á sjónvarpsmyndum frá CNN sjónvarpstöðinni sást þegar eldtungur stóðu út um glugga hótelsins og þykkur svartur reykur kom frá þaki hótelsins. 

Fram kom í fréttum CNN að eldurinn hafi breiðst út á klæðningu byggingarinnar en ekki náð inn á hótelið.

Hótelið sem er eitt það stærsta í Las Vegas var rýmt síðdegis og reyndu slökkviliðsmenn að slökkva eldinn.

Ekki er vitað hvort einhvern sakaði.

• 2 blogg um fréttina

Bloggað um fréttina

• Snorri Bergz: Burning down the house
• Þór Birgisson: Og hva.. Eru þeir ennþá að reyna?