Nýtt sápustríð yfirvofandi í Noregi
Setja bókamerki
Norska blaðið Aftenposten segir, að nýtt sápustríð virðist vera yfirvofandi í Noregi en alþjóðlega stórfyrirtækið Proctor & Gamble er byrjað á mikilli markaðsherferð fyrir Ariel þvottaefni.
Í Noregi eru hins vegar þvottaefnin OMO og Blenda, sem Lilleborg framleiðir, nánast einráð á markaðnum. Procter & Gamble reyndi árið 1967 að fá norskar fjölskyldur til að nota þvottaefnið Tag í staðinn fyrir OMO og Blenda en án árangurs og stórfyrirtækið gafst upp fyrir norsku sápunni árið 1970.
Norska verslunarkeðjan Rema 1000 auglýsti Ariel á þremur heilsíðum í blaðinu VG í gær en í sama blaði var einnig heilsíðuauglýsing um OMO. Og boðskapurinn var sá sami:
„Lækkið hitann í 30 gráður og sparið orku," segir Ariel. „Veljið umhverfið - þvoið á 30 gráðum," segir í auglýsingunni um OMO color.
Að sögn Aftenposten er OMO með um 50% markaðshlutdeild á norskum þvottaefnismarkaði. Blenda er með 26% og Milo um 10%. Lilleborg, sem er í eigu Orkla Group, framleiðir öll þessi þvottaefni í Noregi. OMO er raunar upprunnið frá Unilever.
„Er til bóta en búið að þynna það allt of mikið“
3.300 MW í vinnslu fyrir vindorkuna
Áætlar að tíu fyrirtæki hafi orðið fyrir verulegu tjóni
„Of algengt að við séum að fara í svona útköll“
Vægast sagt ósanngjarnt að tala um ekkert samráð
Töluverður reykur og vatn inni í Kringlunni
Myndir: Mikið vatn á gólfum Kringlunnar