Forseti Bólivíu Evo Morales hefur hafnað niðurstöðu kosningar um aukið sjálfstæði Santa Cruz-fylkis og segir hann hinar óopinberu kosningar ólöglegar. Morales hefur boðað til viðræðna við fylkisstjóra í þremur öðrum fylkjum sem búa sig undir að kjósa einnig um aukna sjálfsstjórn.
Samkvæmt Fréttavef BBC munu fyrstu talningar benda til þess að 80% íbúa í Santa Cruz vilji auka sjálfsstjórn fylkisins.
Verði aukið sjálfstæði Santa Cruz samþykkt fengju leiðtogar fylkisins,
sem eru hægrisinnar, meiri völd yfir skattlagningu og nýtingu
náttúruauðlinda, þ.á m. um 10% af olíu- og gaslindum landsins.