Írakar og Íranir ræða öryggismál
Setja bókamerki
Nouri Maliki, forsætisráðherra Íraks, segir að írösk yfirvöld muni ekki heimila að landsvæði Íraka verði notað til þess að ráðast inn í Íran. Maliki sagði þetta eftir að hafa fundað með Manouchehr Mottaki, utanríkisráðherra Íran og Mahmoud Ahmadinejad, forseta Íran, í Teheran, höfuðborg Íran í dag.
Á fréttavef BBC kemur fram að yfirvöld í Íran hafi lýst yfir andstöðu sinni við samningaviðræður Bandaríkjamanna og Íraka um framtíð bandaríska hersins í Írak. Í þeim viðræðum hefur áframhaldandi dvöl bandaríska hersins í landinu verið til umræðu, en umboð þeirra frá SÞ rennur út í lok ársins 2008.
Án þess að vísa í samningaviðræður Bandaríkjamanna og Íraka, sagði Ahmadinejad að Írak þurfi á frekari stöðugleika að halda til þess að verjast áhrifum frá öðrum löndum. Þá sagði hann nágrannaríki Íraks, vera ábyrg fyrir því að aðstoða við að koma á friði og öryggi í landinu.
Myndskeið Höllu Hrundar keypt fyrir Orkustofnun
Dæmigert mál sem ríkisstjórnin hummar fram af sér
Veltir ekki fyrir sér sveiflum í könnunum
„Hann er í gríðarlegu sjokki“
Enn að fá vísbendingar um seðla í umferð