Ráku 115 manns fyrir borð

Að minnsta kosti 20 manns drukknuðu þegar smyglarar ráku 115 manns fyrir borð á Adenflóa undan strönd Jemen í gær. Verið var að flytja flóttafólk  frá Afríku til Jemen. Tveggja er saknað en 93 komust í land.

Þeir sem komust lífs af eru flestir frá Eþíópíu. Að sögn talsmanns Flóttamannahjálpar Sameinuðu þjóðanna, eru þeir sjúkir og örmagna eftir ferðina.

Annar bátur, með 55 manns innanborðs, kom einnig til Jemen í gær en þar komust allir lífs af. 

Að minnsta kosti 380 manns hafa látið lífið og 360 að auki er saknað á þessu ári á Adenflóa eftir að hafa reynt að komast sjóleiðina frá Afríku til Asíu.  emen.

• 1 blogg um fréttina

Bloggað um fréttina

• Jón Þór Bjarnason: Mönnum hent fyrir borð