Bush hringdi í Sullenberger

George W. Bush Bandaríkjaforseti hringdi í dag í Chesley B. Sullenberger, sem er flugmaðurinn sem náði á ótrúlegan hátt að lenda farþegaflugvél á Hudsonfljóti í gær án þess að nokkur hlyti alvarlegan skaða af. Alls voru 155 í vélinni.

Bush hrósaði flughæfileikum og hugrekki Sullenbergers, og sagði að hann hefði drýgt hetjudáð þegar hann sá til þess að allir um borð kæmust út úr vélinni heilu á höldnu.

Þá hafa borgaryfirvöld í New York afhent Sullenberger lykilinn að borginni sem þakklætisvott.

• 4 blogg um fréttina

Bloggað um fréttina

• Frikkinn: Veit Jón e-ð um málið ?
• Brjánn Guðjónsson: Bush hringdi í Sullenberger
• Ingimar Eggertsson: Þetta er klárlega snillingur.
• Guðrún Emilía Guðnadóttir: Einn af þessum gömlu góðu.