Obama sór embættiseið aftur

Barack Obama, Bandaríkjaforseti, sór embættiseið sinn aftur í kvöld að viðstöddum John Roberts, forseta hæstaréttar Bandaríkjanna. Obama sór eiðinn á svölum þinghússins í Washington á þriðjudag en fipaðist þegar hann fór með eiðstafinn.

Obama sór eiðinn á ný í kortaherbergi Hvíta hússins í kvöld.

„Við teljum ekki að neinir hnökrar hafi verið á svardaganum og að forsetinn hafi verið settur í embætti með viðeigandi hætti í gær," sagði Greg Craig, ráðgjafi í Hvíta húsinu. „En eiðstafurinn stendur í stjórnarskránni sjálfri. Og til að gæta allrar varúðar, vegna þess að einu orði var hnikað til,  lét Roberts dómforseti sverja eiðinn í annað sinn." 

Þegar Obama sór eiðinn í fyrra skiptið las Roberts eiðstafinn og Obama hafði orð hans eftir. Roberts ruglaðist aðeins í orðaröðinni og það virtist koma  Obama í opna skjöldu þannig að hann virtist óviss á textanum.

Tveir aðrir Bandaríkjaforsetar hafa endurekið embættiseiðinn undir svipuðum kringumstæðum, þeir Calvin Coolidge og Chester A. Arthur.

Obama sagðist í kvöld hafa beðið yfirmenn Bandaríkjahers að útbúa áætlanir um „ábyrgt" brotthvarf bandarískra hersveita frá Írak.

mbl.is

Bloggað um fréttina

Frá Sýrlandi til Evrópu - Greinaflokkur

Framhald
Nauðungarsala
Uppboð Einnig birt á www.naudungarsolu...
Félagsstarf
Staður og stund
Aflagrandi 40 Opin vinnustofa kl. 9 og j...
Leiðsögumaður
Ferðaþjónusta
Leiðsögumaður óskast Glacier Adventure...
Eldri borgarar
Staður og stund
Aflagrandi 40 Opin vinnustofa kl. 9, nem...