Ættu frekar að fæða fólk sem lifir við hungurmörk

Össur Skarphéðinsson utanríkisráðherra ræðir við fréttamenn.
Össur Skarphéðinsson utanríkisráðherra ræðir við fréttamenn. Golli / Kjartan Þorbjörnsson

Össur Skarphéðinsson utanríkisráðherra fordæmir mjög harðlega tilraunasprengingu Norður Kóreumanna í gærkvöldi. Hann segir íslensku ríkisstjórnina andsnúna hverskyns beitingu kjarnorkuvopna og muni að sjálfsögðu beita sér á alþjóðavettvangi fyrir því að dregið verði úr notkun þeirra.

„Þessu hefur þegar verið harðlega mótmælt um allan heim og mér finnst það mjög slæm tíðindi að á sama tíma og annars staðar er dregið úr notkun kjarnorkuvopna skuli þetta fátæka land eyða gríðarlegum fjárhæðum til þróunar þeirra - þá fjármuni ætti frekar að nota til þess að fæða svanga munna því margir landsmanna lifa við hungurmörk,“ sagði utanríkisráðherra við Fréttavef Morgunblaðsins.

Össur segir sprenginguna örugglega auka mjög spennu í norðaustur Asíu og ógna afar viðkvæmu friðarjafnvægi. Kóreumenn búi augljóslega yfir betri tækni en áður því þessi sprengja ku 26 sinnum stærri en síðasta kjarnorkusprengja sem þeir sprengdu í tilraunaskyni.

Össur segir þjóðir heims þurfa að taka höndum saman og berjast gegn vígbúnaði af þessu tagi, og er sannfærður um að svo verði. „Ég fagnaði því mjög að Obama Bandaríkjaforseti skyldi lýsa því yfir á leiðtogafundi Nató á dögunum að Bandaríkjamenn ætluðu sér að taka upp nýja stefnu í þessum málum og berjast gegn kjarnorkuvopnum.“

mbl.is
Tilboð! - Garðhús 9 fm - kr. 299.000,-
Flaggskip okkar í garðhúsum, Brekka 34 - 9 fm - gert úr 34mm þykkum bjálka og tv...
www.flutningur.is 5753000 sendibilastöð
Stöðin býður upp á allar stærðir sendibíla og veitir trausta og umfram allt góð...
Nissan qashqai er í Kóp ek 78000 km
Nissan qashqai skraður 10/2010 ek 78000 km sjalfsk 4x4 er a goðum heilsársd flot...
SUMARHÚSALÓÐ Í ÖNDVERÐARNESI TIL SÖLU
LÓÐ NR. 13. Liggur við gólfvöllin, braut 11. Frábær staðsetning og útsýnið ein...
 
Framhald
Nauðungarsala
Uppboð Einnig birt á www.naudungarsolu...
Tæknimaður óskast
Iðnaðarmenn
Tæknimaður ????? ???? ?????????? ??...
Skólastjóri tónlistarskólans
Stjórnunarstörf
Laus störf í Skaftárhreppi Skólastjóri ...
Áshildarmýri í skeiða- og gnúpverjahre
Lóðir
Til sölu sumarbústaðalönd ...