Bretinn William Dowling, sem er 69 ára, bíður nú dóms fyrir að hafa reynt nokkrum sinnum að eitra fyrir eiginkonu sína. Hann hellti kvikasilfri í tebollann hennar en segist ekki hafa ætlað að bana henni. Hann hafi gert þetta í von um að hún yrði veik. Þá gæti hann veitt henni aðhlynningu og náð aftur ástum hennar en hjónabandið mun hafa verið orðið slæmt, að sögn Times.
Eiginkonan fór að gruna Dowling um græsku þegar hún sá silfurkúlurnar í bollanum.