Átta árum síðar

Forseti Bandaríkjanna. Barack Obama, mun taka þátt í minningarathöfn um þá sem létust í hryðjuverkaárásunum á Bandaríkin fyrir átta árum í dag. Þann 11. september 2001 létust tæplega þrjú þúsund manns í árás hryðjuverkamanna á Bandaríkin er fjórum farþegaþotum var rænt af liðsmönnum al-Qaida.

Bæði opinberar og óformlegar minningarathafnir verða haldnar víða um Bandaríkin í dag en Bandaríkjamenn minnast þess enn með hryllingi þegar þeir fylgdust með fjórum farþegaþotum, sem hafði verið rænt af liðsmönnum al-Qaida, verða að árásarvopnum hryðjuverkamannanna í New York, Virginíu og Pennsylvaníu.

Obama mun minnast fórnarlambanna með ræðu í Pentagon, varnarmálaráðuneyti Bandaríkjanna og verða aðstandendur þeirra sem létust þar viðstaddir.

Hins vegar mun varaforseti Bandaríkjanna, Joseph Biden, taka þátt í minningarathöfn við rústir Tvíburaturnanna í New York.

Alls létust 2.752 er tvær farþegaþotur flugu inn í Tvíburaturnana í fjármálahverfi New York borgar um níu leytið morguninn 11. september 2001. Líkt og undanfarin ár verða nöfn fórnarlambanna lesin upp þar.

Auk Obama mun Robert Gates, varnarmálaráðherra, taka þátt í minningarathöfninni í Pentagon. Alls létust 184, bæði á jörðu niðri og um borð í flugvélinni, þegar henni var flogið á bygginguna.

Þar sem Tvíburaturnarnir stóðu er unnið að byggingu á „Frelsisturninum" (Freedom Tower) en þar verða fimm skýjakljúfar með minningarreit í garði sem verður milli bygginganna. Framkvæmdir ganga hins vegar hægt meðal annars út af efnahagsástandinu undanfarið ár. 

Í Shanksville, Pennsylvanía, þar sem fjórða flugvélin brotlenti á opnu svæði, en þar yfirbuguðu farþegar þotunnar flugræningjanna, verður einnig haldin minningarathöfn þar sem nöfn farþeganna sem létust verða lesin upp. Talið er að fljúga hafi átt þeirri þotu inn í þinghúsið í Washington. 

Þar sem Tvíburaturnarnir stóðu í New York
Þar sem Tvíburaturnarnir stóðu í New York Reuters
SHANNON STAPLETON
Tvíburaturnarnir í New York jöfnuðust við jörðu í hryðjuverkaárásunum þann ...
Tvíburaturnarnir í New York jöfnuðust við jörðu í hryðjuverkaárásunum þann 11. september árið 2001. Reuters
mbl.is

Bloggað um fréttina

Frá Sýrlandi til Evrópu - Greinaflokkur

Sangyong Rexton 2006
7 manna, dökkar rúður, krókur, ssk, dísel, ekinn 200 km, Verð 990.000 Skoða ...
HRINGSTIGAR _ HRINGSTIGAR
Hringstigar, úti sem inni. Þvermál 120, 130, 140, 150, 160, 170 cm og sérsmíði í...
Lok á heita potta og hitaveitu- skeljar
Lok á heita potta og hitaveitu- skeljar Stærðir í cm: 200x200, 210x210, 220x220,...
Toyota Yaris 2009
Til sölu Toyota Yaris 2009 124,000 Km 850,000 Kr ,eða gott tilboð ? í góðu ...
 
Onik 2017 20 skýli fyrir hleðslustöðvar
Tilboð - útboð
/ 14.12.2017 Útboð Orka náttúrunn...
L helgafell 6017121319 vi
Félagsstarf
? HELGAFELL 6017121319 VI Mynd af au...
Aðalfundur
Fundir - mannfagnaðir
Aðalfundur Skúlagarðs hf. vegna reikn...
Félagsstarf aldraðra
Staður og stund
Aflagrandi 40 Opin vinnustofa kl. 9, gön...