Velmegun mest í Finnlandi

Finnland er mesta velmegunarríki heims, ekki bara hvað varðar fjárhagslega þætti heldur og lýðræðisþróunina og stjórnarhætti. Það er niðurstaða stofnunarinnar Legatum í London sem birtir í vikunni svonefndan velmegunarstuðul ríkja.

Finnland var í þriðja sæti á lista Legatum í fyrra. Í öðru sæti nú er Sviss og þar á eftir koma Svíþjóð, Danmörk og Noregur. Bandaríkin eru í níunda sæti og er á undan Bretlandi, Þýskalandi og Frakklandi sem öll eru meðal 20 efstu.

Fjögur ríki af fimm í hópi 20 efstu eru frá Norður-Ameríku og Evrópu. Í neðsta sæti velmegunarlistans Zimbabwe.

Legatum segist hvetja til þess að tekið verði tillit til þátta eins og heilsufars, frelsis, öryggismála og pólitísks stjórnarfars sem lykils að velmegun fremur en efnalegrar velsældar einnar og sér.

Í frétt breska blaðsins Financial Times um velmegunarlistann nýja er nafn Íslands ekki nefnt á nafn.

• 3 blogg um fréttina

Bloggað um fréttina

• Jakobína Ingunn Ólafsdóttir: Hvers vegna er ekki talað um hvar Ísland er?
• Axel Jóhann Axelsson: Ísland ekki með á velmegunarlistanum
• Axel Jóhann Hallgrímsson: Hvert skal stefna?