Mörg hundruð handtekin í Kaupmannahöfn

Milli 300 og 400 mótmælendur hafa verið handteknir í Kaupmannahöfn í dag en talið er að yfir 100 þúsund manns hafi tekið þátt í mótmælaaðgerðum gegn loftmengun í tengslum við loftslagsráðstefnu Sameinuðu þjóðanna í borginni.

Að sögn fréttavefjar Berlingske Tidende er hinum handteknu ekið á brott í rútum í húsnæði Valby þar sem teknar verða af þeim skýrslur. Kannaður verður sakaferill fólksins og þeir sem ekki hafa áður komist í kast við lögin verða væntanlega látnir lausir. 

Blaðið segir, að mótmælaaðgerðirnar séu nú utan við Bella Center á Amager þar sem loftslagsráðstefnan er haldin.   

Mótmælendur ganga í átt á Bella Center í dag. Reuters

Tugir þúsunda hafa tekið þátt í mótmælaaðgerðum í Kaupmannahöfn í dag. Reuters

• 1 blogg um fréttina

Bloggað um fréttina

• Haraldur Haraldsson: Mörg hundruð handtekin í Kaupmannahöfn///þetta eigum við eftir að upplifa …