Sprengjuárás í Bangkok

Spenna jókst í Bangkok í Thailandi í dag þegar tveir hermenn særðust eftir að þremur handsprengjum var kastað að herstöð þar. Enginn hefur enn lýst ábyrgð á sprengjutilræðinu á hendur sér en mótmæli hófust á landinu á föstudag í því að skyni að fá stjórnina til að segja af sér og efna til kosninga.

Árásin er gerð í kjölfar þess að forsætisráðherra landsins hefur hafnað tilmælum mótmælenda.

Talið er að allt að 150.000 manns hafi safnast saman til mótmælanna sem hafa hingað til verið friðsamleg.

Annars vegar takast á stuðningsmenn hersins, háttsettra borgarbúa og konungssinna og hins vegar fulltrúar dreifbýlisins sem klæðast rauðu til merkis um stuðning sinn við fyrrum forsætisráðherra landsins.

• 1 blogg um fréttina

Bloggað um fréttina

• Einar B Bragason : Þeir sletta blóði er eiga það...