Dómstóll í Egyptalandi hefur dæmt 26 karlmenn til fangelsisvistar fyrir að leggja á ráðin um hryðjuverkaárásir á skip og ferðamannastaði. Mennirnir voru sakaðir um að vinna fyrir Hezbollah-samtökin í Líbanon.
Sami Shihab, líbanskur ríkisborgari, var dæmdur í ævilangt fangelsi en aðrir voru dæmdir til styttri fangelsisvistar eða frá 6 mánaða til 25 ára fangelsis. Fjórir voru sakfelldir að sér fjarverandi en þeir eru á flótta.