Ágóði af ævisögu Blairs til góðgerðamála

Tony Blair, fyrrverandi forsætisráðherra Bretlands, ætlar að gefa allan ágóða af væntanlegri sjálfsævisögu sinni til stofnunar, sem sér um endurhæfingu breskra hermanna.

Bókin, sem heitir A Journey, mun koma út 1. september. Þar lýsir Blair þeim 13 árum sem hann gegndi embætti forsætisráðherra Bretlands en á þeim tíma tóku Bretar m.a. þátt í innrásum í Írak og Afganistan.  

Búist er við að bókin seljist vel en allur ágóði mun renna til verkefnis, sem er á vegum The Royal British Legion og býður alvarlega særðum hermönnum endurhæfingu. 

Markmiðið er að safna 12 milljónum punda til verkefnisins.  

• 1 blogg um fréttina

Bloggað um fréttina

• Axel Jóhann Hallgrímsson: Samviskan nagar