Erlent | mbl | 17.11.2010 | 14:37

SÞ harma blóðbað í V-Sahara

Flóttamannabúðir Vestur-Saharamanna í Alsír.

Öryggisráð Sameinuðu þjóðanna ,,harmaði" í gær aðgerðir Marokkómanna gegn mótmælendum í Vestur-Sahara fyrir viku en að sögn V-Saharamanna féllu tugir óbreyttra borgara fyrir kúlum öryggissveita. Marokkó lagði landið undir sig 1975 en þar eru miklar auðlindir, m. a. fosfatnámur og auðug fiskimið og hugsanlega olía.

Nær helmingur V-Saharamanna, sem sennilega eru alls um hálf milljón, hefst við í flóttamannabúðum í Alsír eða á Spáni. Ekkert ríki hefur viðurkennt yfirráð Marokkómanna í V-Sahara.

Marokkómenn segja að 12 manns hafi fallið, þar af 10 lögreglumenn. En útlæg frelsishreyfing V-Saharamanna, Polisario, segir að nokkrir tugir manna hafi fallið og þúsundir særst. Krefst hreyfingin þess að tafarlaust verði rannsakað hvað gerst hafi og hótar ella að hætta þátttöku í friðarviðræðum við Marokkómenn.

Margra ára stríði Polisario gegn hernámsliði Marokkó lauk 1991 með vopnahléi. Ekki hefur tekist að semja um varanlegan frið þar sem Marokkómenn samþykkja ekki þjóðaratkvæðagreiðslu um sjálfstæði landsins.

Erlent »

Aðstoðar þörf í Mósambík eftir fellibylji

11:46 Alþjóðlegi Rauði krossinn kallaði í dag eftir þremur milljónum dala, um 375 milljónum kr., til að aðstoða þúsundir fjölskyldna í Mósambík sem enn bíða aðstoðar eftir að tveir fellibyljir gengu yfir landið í síðasta mánuði. Meira

Angela Merkel kanslari við minningarathöfnina.

Fórnarlamba nýnasistahóps minnst

11:11 Einnar mínútu þögn var haldin í Þýskalandi í morgun til að minnast fórnarlamba nýnasista. Angela Merkel kanslari sagði fjölskyldum fórnarlambanna við sérstaka minningarathöfn í Berlín að þjóðin syrgði með þeim. Meira

Flytja erlenda fanga úr fangelsinu

Fangar í varðturni í Kerobokan-fangelsinu í Denpasar á Balí.

10:38 Yfirvöld í Indónesíu byrjuðu í dag að flytja erlenda fanga úr Kerobokan-fangelsinu á Balí. Þar hafa miklar óeirðir brotist út og hefur föngunum tekist að koma fangavörðunum frá og taka við stjórninni. Meira

Breivik á marga pennavini

09:37 Norski fjöldamorðinginn Anders Behring Breivik stendur í umfangsmiklum bréfaskriftum við fjölda manna úr fangaklefa sínum. Honum er mikið í mun að stefnuyfirlýsing hans, hið svokallaða manifesto, nái til sem flestra. Meira

Fangaverðir hjálpuðu föngum að flýja

07:57 Tugir mexíkóskra fangavarða voru handteknir í gær, grunaðir um að hafa aðstoðað dæmda meðlimi eiturlyfjagengja við að flýja úr fangelsi síðastliðna helgi. Meira

Umferðamiðstöð sprengd í Peshawar

10:07 Átta létust og þrjátíu særðust þegar sprengja sprakk í umferðamiðstöð í Peshawar í norðvesturhluta Pakistans. Enginn hefur lýst yfir ábyrgð á árásinni. Meira

Halda hátíð fyrir Pútín

08:17 Um 30,000 manns gengu fylktu liði um miðborg Moskvu í morgun til að sýna stuðning sinn við forsetaframboð Vladimirs Pútíns forsætisráherra Rússlands. Stjórnarandstæðingar segja að fólki hafi verið skipað að taka þátt í hátíðahöldunum. Meira

Segja samkynhneigð glæpsamlega

07:43 Innanríkisráðuneyti Indlands hvetur hæstarétt landsins til að úrskurða um að kynlíf samkynhneigðra sé glæpur. Ráðuneytið segir það vera ósiðlegt, gegn öllum náttúrulögmálum og að þannig smitist alnæmi. Meira

Fundu lík fimm ára stúlku

Kafarar finna fleiri lík í Costa Concordia

07:24 Kafarar fundu í nótt átta lík í flaki skemmtiferðaskipsins Costa Concordia sem marar undan strönd ítölsku eyjarinnar Giglio. Þar á meðal er lík fimm ára gamallar stúlku. Meira

Talinn hafa skotið bekkjarsystur sína

Níu ára drengur yfirheyrður vegna skotárásar á stúlku

06:49 Níu ára gamall bandarískur drengur er í haldi lögreglu vegna gruns um að hafa skotið úr byssu á átta ára gamla bekkjarsystur sína. Meira

Óöld í Írak í nótt

07:17 Að minnsta kosti 32 létu lífið í sprengju- og skotárásum í Írak í nótt, þar af létust 22 í höfuðborginni Bagdad. Meira

Strauss-Kahn fyrir dóm í mars

Í gær, 23:03 Fyrsta fyrirtakan í einkamálinu sem höfðað hefur verið í Bandaríkjunum gegn Dominique Strauss-Kahn hefur nú verið dagsett, og fer fram þann 15. mars. Hann mun því standa í ströngu í næsta mánuði því hann hefur líka verið boðaður fyrir rannsóknardóm í Frakklandi vegna ásakana um aðild að vændishring Meira

Samkynhneigðir „ekki ofsóttir“ í Úganda

Í gær, 22:29 Forseti Úganda fullyrti í dag að hann væri ekki hlynntur ofsóknum gegn samkynhneigðum í landi sínu, þrátt fyrir að alræmt frumvarp gegn samkynhneigð hafi að nýju verið lagt fyrir þingið. „Samkynhneigðir hafa, í litlum mæli, verið til í okkar hluta svörtu Afríku," sagði forsetinn í viðtali við BBC. Meira

Heilsuleysi Chavez veldur óvissu

Hugo Chavez missti hárið vegna krabbameinsmeðferðar í fyrra. Læknar hafa nú fundið ný mein sem ...

Í gær, 21:38 Mikil óvissa ríkir nú um hver muni taka við stjórnartaumunum í Venesúela, eftir að forsetinn Húgó Chavez tilkynnti að krabbameinið sem hann barðist við væri komið upp að nýju. Chavez hefur verið allsráðandi í landinu frá árinu 1999. Forsetakosningar verða í haust. Meira

Áfram mótmælt í Valencia

Í gær, 21:11 Ekkert lát virðist ætla að vera á mótmælum í spænsku borginni Valencia en þúsundir tóku þátt í mótmælum þar í kvöld. Er niðurskurði í menntamálum og hörku sem lögregla hefur beitt gagnvart námsmönnum mótmælt. Meira

Keyrði á fullum hraða á vegg

Björgunarmenn hjálpa farþegum sem út úr lestarflakinu við Once stöðina í Buenos Aires.

Í gær, 22:10 Aðkoman að lestarslysinu mannskæða í Buenos Aires í Argentínu í dag var skelfileg að sögn vitna. Lestin keyrði á fullu stími inn á lestarstöðina með bilaða hemla og áreksturinn varð gríðarharður. „Fólk var í kremju og öskraði í örvæntingu. Ég sá blóð og lík út um allt," sagði einn sjónarvotta. Meira

Myrti fjóra í heilsulind

Í gær, 21:37 Vopnaður maður skaut fjóra til bana í heilsulind í úthverfi bandarísku borgarinnar Atlanta í gærkvöldi. Meðal fórnarlamba hans voru tvær systur hans. Meira

Króatískir mjólkurbændur mótmæla

Í gær, 21:02 Króatískir mjólkurbændur flykktust út á götur höfuðborgarinnar Zagreb í dag og mótmæltu verðlækkun dótturfyrirtækis franska framleiðandans Lactalis, niður fyrir meðalverð Evrópusambandsins. Þeir telja sig ekki geta keppt við verðlækkunina. Meira