Leitar stuðnings við afvopnun

Barack Obama, forseti Bandaríkjanna, þrýstir nú á um að nýja START afvopnunarsamkomulagið við Rússa verði samþykkt. Hann segir það vera ákaflega mikilvægt fyrir öryggi Bandaríkjanna. 

Obama var umkringdur sérfræðingum í öryggismálum úr báðum helstu stjórnmálaflokkum Bandaríkjanna þegar hann þrýsti á Öldungadeildina um að samþykkja nýja START samkomulagið við Rússa innan þriggja vikna. 

„Það er í þágu öryggishagsmuna þjóðarinnar að Bandaríkin samþykki nýja START sáttmálann á þessu ári. Það er ekkert öryggismál mikilvægara fyrir þingheim sem er að ljúka setu sinni. Öryggishagsmunir Ameríku eru skýrir og þeir eru miklir,“ sagði Obama.

Hann sagði að samkomulagið sé hornsteinn samskipta Bandaríkjanna við Rússland og nefndi að stjórnvöld í Moskvu hafi verið mikilvægur bandamaður í að beita Írana ströngum refsiaðgerðum vegna kjarnorkuáætlunar þeirra. 

„Lykilatriðið hér er að þetta snýst ekki um stjórnmál, þetta snýst um þjóðaröryggi. Það er ekki hægt að slá þessu á frest. Hver mánuður sem líður án sáttmála þýðir að við getum ekki staðfest hvað er að gerast í Rússlandi. Og ef við sláum þessu endalaust á frest  mun forysta Bandaríkjanna í að hamla fjölgun kjarnorkuvopna og þjóðaröryggi Bandaríkjanna veikjast,“ sagði Obama.

Barack Obama og Dmitry Medvedev, forseti Rússlands, undirrituðu nýja START sáttmálann í apríl sl. Þar með skuldbundu þeir bæði löndin til að fækka kjarnorkuvopnum um u.þ.b. 30% svo þau verði ekki fleiri en 1.550 á næstu sjö árum. Sáttmálinn þarf meirihluta upp á 67 atkvæði í bandarísku öldungadeildinni.

mbl.is

Bloggað um fréttina

Skoðanakannanir

[ Nánar | Allar kannanir í CSV-skrá ]

Frá Sýrlandi til Evrópu - Greinaflokkur

Húsgagnaviðgerðir
Ég tek að mér viðgerðir á húsgögnum bæði gömlum og nýjum. Starfsemin fer fram í ...
Lagersala
LAGERHREINSUN - stakar stærðir - 40% afsláttur Kr 3.900,- Kr 3.900,- Kr 3.900,- ...
 
Eldri borgarar
Staður og stund
Aflagrandi 40 Það er opin vinnustofa hjá...
Fyrirtæki í reykjavík
Önnur störf
Fyrirtæki í Reykjavík óskar eftir ...
Félagsstarf
Staður og stund
Aflagrandi 40 Hjá okkur er opin vinnusto...
Niðurstaða sveitarstjórnar
Tilkynningar
Samþykkt breyting á deiliskipulagi S...