Að minnsta kosti 432 létu lífið þegar flóð og aurskriður fóru yfir svæði skammt frá Rio de Janiero í Brasilíu í morgun. Myndir náðust af því þegar konu var bjargað á síðustu stundu úr vatninu.
Sjónvarpsstöðin Globo sýndi í kvöld myndir af konu, sem stóð í rústum húss síns og hélt á hundi. Vatnið hækkaði ört en konunni tókst að grípa reypi, sem fólk á þaki næsta húss kastuði til hennar. Skömmu síðar tókst að draga konuna upp á þakið en hundurinn lenti í vatninu og hvarf.
Skammt frá tókst björgunarmönnum að bjarga hálfs árs gömlu barni og föður þess úr húsarústum.