Sprengjum varpað á Trípólí

Tvær sprengjur sprungu í Trípólí, höfuðborg Líbíu snemma í morgun er  herþotur Atlantshafsbandalagsins flugu yfir borgina og er talið að bandalagið hafi gert árás úr lofti á borgina. 

Bardagar geisuðu víða í borginni í nótt en stuðningsmenn Múammars Gaddafis hafa ekki enn gefist upp þrátt fyrir að uppreisnarmenn hafi náð höfuðstöðvum hans í Trípólí á sitt vald í gær.

Leiðtogi uppreisnarmanna segir að stuðningsmenn Gaddafi geri árásir úr leyni en þeir fela sig meðal annars við þjóðveginn sem liggur að flugvelli borgarinnar.

Forseti Frakklands, Nicolas Sarkozy, segir að hann og Barack Obama, forseti Bandaríkjanna, hafi sammælst um að halda hernaði gegn Gaddafi áfram eða allt þar til hann leggur niður vopn. 

Sjónvarpsstöð, sem er í eigu Saifs al-Islam, sonar Gaddafis, sagði í gærkvöldi að Gaddafi hefði flutt ávarp í útvarpsstöð. Sjónvarpsstöðin vitnaði síðan í nokkur ummæli, sem Gaddafi er sagður hafa látið falla en óljóst er hvort ræðan var flutt. 

Þannig hafði sjónvarpsstöðin eftir Gaddafi að hann hefði farið út á götur Tripoli án þess að mikið bæri á og ekki talið að borgin væri í hættu. Allir Líbíubúar yrðu að fara til borgarinnar og leita svikarana uppi og hreinsa höfuðborgina af „rottum".

mbl.is

Bloggað um fréttina

Frá Sýrlandi til Evrópu - Greinaflokkur

50 Tonna legupressur
50 Tonna legupressur loft / glussadrifnar, snilldargræja á fínu tilboðsverði nú...
Gjafabréf á ljósmyndanámskeið
Hægt er að kaupa gjafabréf á öll námskeið á rafrænu formi hjá ljosmyndari.is ...
JEMA gæðalyftur á góðu verði
Bjóðum danskar gæðalyftur frá JEMA af mörgum gerðum CE TUV Led ljós á örmum ...
PÚSTKERFI Á HAGSTÆÐU VERÐI
Eigum fyrirlyggjandi PÚSTKERFI í flestar tegundir bifreiða. Einnig STÝRISLIÐI ...
 
Arkitekt/byggingafræðingur
Sérfræðistörf
VIÐ ERUM AÐ RÁÐA! ARKITEKT // BYGGIN...
Aðalskipulag snæfellsbæjar
Fundir - mannfagnaðir
Auglýsing á aðalskipulagi Snæfellsbæ...
Álagning vanrækslugjalds
Nauðungarsala
Sýslumaðurinn á Vestfjörðum Auglýsin...
Onik 2017 20 skýli fyrir hleðslustöðvar
Tilboð - útboð
/ 14.12.2017 Útboð Orka náttúrunn...