ESB bannar „nakið“ skuldatryggingaálag

Evrópusambandið samþykkti í dag að banna „nakið“ skuldatryggingaálag. Kaupahéðnar hafa notað slíka fjármálagjörninga til að veðja á getu landa til að greiða af skuldum sínum.

ESB-ríkin og Evrópuþingið komust að samkomulagi eftir langar samningaviðræður um að banna þetta fjármálaverkfæri spákaupmanna. Því er kennt um að hafa átt þátt í að auka á skuldavanda Evrópuríkja.

Skuldatryggingaálag er líkt og trygging fyrir hættunni á að fyrirtæki eða ríkissjóður greiði ekki skuldir sínar. Það er kallað „nakið“ skuldatryggingaálag þegar fjárfestar eiga ekki skuldina en veðja á að þeir geti keypt hana síðar á undirverði ef til greiðslufalls kemur.

• 1 blogg um fréttina

Bloggað um fréttina

• Guðmundur Ásgeirsson: #Occupied Grikkland