Tólf ríki Evrópusambandsins eru í hættu að lenda í nýrri efnahagskrísu einkum vegna skuldastöðu þeirra og skorts á samkeppnishæfni samkvæmt nýrri skýrslu á vegum framkvæmdastjórnar sambandsins sem var birt í dag.

Ríkin sem um er að ræða eru Belgía, Búlgaría, Kýpur, Danmörk, Finnland, Frakkland, Ítalía, Ungverjaland, Slóvenía, Spánn, Svíþjóð og Bretland. Fram kemur í skýrslunni að umrædd ríki þurfi að taka efnahagsmál sín til nánari skoðunar.

Í upphaflegri útgáfu skýrslunnar var staða Ítalíu, Spánar, Ungverjalands og Kýpur sögð sérstaklega knýjandi með tilliti til tíu þátta og þar á meðal húsnæðisverðs, skuldastöðu einstaklinga, skulda hins opinbera og stöðu útflutningsgeirans. En í lokaútgáfu hennar voru öll tólf ríkin sett undir sama hatt þrátt fyrir að staða þeirra sé ekki í öllum tilfellum sú sama.

Fréttavefurinn Euobserver.com greinir frá þessu í kvöld.

Tengdar fréttir

Efnahagsvandræði á evrusvæðinu

Íhugar að sparka Grikkjum úr evrusamstarfi

• Frakkar á leið í samdráttarskeið
• Hlutabréf falla í Evrópu
• Byrjar aftur að kaupa skuldabréf
• Óbreyttir stýrivextir

» Fleiri tengdar fréttir

• 3 blogg um fréttina

Bloggað um fréttina

• Páll Vilhjálmsson: Evrópuelítan 1914 og 2012
• Vinstrivaktin gegn ESB: ESB forystan gengur með betlistaf um Peking
• Kristján H. Kristjánsson: Um innri samkeppni í Evrópu og Kína áður fyrr