Sýndi engin viðbrögð við réttarhöldin

James Holmes, sem sakaður er um að hafa orðið 12 manns að bana í skotárás á miðnæturfrumsýningu myndarinnar The Dark Knight Rises, var leiddur fyrir dómara í dag. 

Hegðun Holmes við réttarhöldin vakti athygli, en hann starði ýmist fram fyrir sig eða hafði augun lokuð á meðan sakargiftir voru lesnar upp. Að sögn viðstaddra sýndi hann engin merki iðrunar og sýndi engin svipbrigði. 

Ákærurnar á hendur Holmes hljóða upp á 12 morð og að hafa þar að auki sært 58 manns alvarlega í skothríð inni í bíósal í Coloradoríki í Bandaríkjunum á föstudag.

Hinn 24 ára gamli Holmes mælti ekki orð frá vörum á meðan ákæruatriðin voru lesin upp, né heldur sá hann ástæðu til að tjá sig þegar lestrinum var lokið.

Meðal verstu fjöldamorða í sögu Bandaríkjanna

Holmes, sem er doktorsnemi í taugalíffræði, virtist ekki fær um að fylgja framgangi réttarhaldanna og höfuð hans rykktist upp og niður meðan á lestrinum stóð. Samkvæmt því sem fram kemur á vef fréttastofunnar AFP virtist sem Holmes væri verulega dasaður eða með skerta einbeitingu. 

Óljóst er hvort hann hafi verið undir áhrifum lyfja, en honum er gert að undirgangast sálfræðimat til að kanna andlegt ástand hans og sakhæfi.

Morðin eru meðal verstu fjöldamorða í sögu Bandaríkjanna, en formleg ákæra verður gefin út á hendur Holmes næstkomandi mánudag. Saksóknari hyggst ráðfæra sig við fjölskyldur fórnarlambanna áður en ákvörðun verður tekin um hvort farið verði fram á dauðarefsingu. Aðeins ein manneskja hefur hlotið dauðadóm í Colorado síðan 1976.

Holmes kom inn um eldvarnarútgang á bíósalnum og kastaði tveimur gassprengjum inn í salinn. Því næst hóf hann skothríð, en hann var vopnaður riffli sem hleyptir af 50-60 skotum á mínútu. 

Samkvæmt upplýsingum frá lögreglunni í New York litaði Holmes hár sitt appelsínugult af þeirri ástæðu að hann telur sig vera Jókerinn, eina aðalpersónuna í Batman-myndunum. 

James Holmes er sakaður um að standa á bak við ...
James Holmes er sakaður um að standa á bak við skotárás á miðnætursýningu nýjustu Batman myndarinnar, sem varð 12 manns að bana. RJ SANGOSTI
mbl.is

Bloggað um fréttina

Frá Sýrlandi til Evrópu - Greinaflokkur

Milliloft með og án hillukerfa
Við útvegum allar gerðir og stærðir af milliloftum úr stáli, með og án hillukerf...
Dyrasímar - Raflagnir
Dyrasímaþjónusta, geri við eldri kerfi og set upp ný, fljót og góð þjónusta Sí...
Eyjasol íbúðir og sumarhús.....
Fallegar 2- 3ja herb. íbúðir fyrir ferðafólk og íslendinga á faraldsfæti. Allt ...
OZONE lofthreinsun tæki til leigu.
Rekur þú hótel/gistihús,þetta tæki eyðir allri ólykt m.a. af raka-myglu-og reyk....
 
Félagsstarf
Staður og stund
Árskógar 4 Opin smíðastofa kl. 9-16. Sun...
Félagsstarf
Staður og stund
Árskógar 4 Smíðar/útskurður með leiðb. k...
Geirlandsá - útboð óskað er eftir tilbo
Veiði
Geirlandsá - útboð Óskað er eftir til...
Félagsstarf
Staður og stund
Árskógar 4 Smíðar/útskurður m./leiðb. kl...