CIA-stjóri hættir vegna framhjáhalds
Setja bókamerki
/frimg/6/72/672877.jpg)
David Petraeus sagði af sér starfi yfirmanns bandarísku leyniþjónustunnar (CIA) í dag vegna framhjáhlaups í hjónabandi.
„Í gær fór ég í Hvíta húsið og bað forsetann um leyfi, af persónulegum ástæðum, til að segja af mér starfi yfirmanns CIA,“ sagði Petreus í yfirlýsingu til starfsmanna leyniþjónustunnar.
„Eftir 37 ára hjónaband sýndi ég ákaflega mikinn dómgreindarskort með framhjáhaldi. Slíkt háttalag er ótækt, bæði af hálfu eiginmanns og forstöðumanns stofnunar sem okkar. Í dag féllst fosetinn náðarsamlegast á afsögn mína,“ sagði þar ennfremur.
Petraeus tók við starfi CIA-stjóra í september í fyrra en þar áður var hann æðsti yfirmaður fjölþjóðaheraflans í Afganistan.
Óvænt og fyrirvaralaust brotthvarf hans úr starfi kemur sér illa fyrir Obama. Búist hefur verið við að hann muni stokka upp í sveit þjóðaröryggisrágjafa sinna en þó ætlað Petreus áframhaldandi hlutverk þar. Við starfi Petreus tekur næstráðandi hans, Michael J. Morell, til bráðabirgða.
Allar líkur á að Seðlabankinn lækki næst vexti
Kynnir nýja stefnu í málefnum landamæra í sumar
Keppanda aldrei verið vísað úr keppni áður
Rampur númer 1.100 vígður í dag
Tók barn upp úr innkaupakerru móður
Magnús Tumi: Gýs líklega á næstu dögum
Fyrsta 360 gráða yfirlitsmyndin frá goslokum
