17 lögreglumenn sárir eftir átök á Ítalíu

Sautján lögreglumenn særðust í átökum sem brutust út víða á Ítalíu í dag þegar tugþúsundir komu saman til að mótmæla aðhaldsaðgerðum stjórnvalda.

Alvarlegustu átökin brutust út í borginni Tórínó. Þar sáust um 20 manns berja einn lögreglumann með kylfum. Í Mílanó hlutu 12 lögreglumenn áverka í kjölfar götubardaga í miðborginni.

Alls særðust þrír lögreglumenn í Tórínó og tveir í Padúa að sögn talsmanna lögreglunnar.

Tugir ungmenna köstuðu grjóti og flöskum í Rómarborg í dag ásamt því að eyðileggja bifreiðar þegar mótmælendur reyndu að komast fram hjá lögreglu og inn í miðborgina. Lögreglan beitti táragasi og brynvörðum bifreiðum gegn þeim.

„Í dag er Evrópa að vakna - frá Róm til Madrídar til Aþenu,“ sagði Mario Nobile, sem er 23 ára gamall háskólanemi.

Stærsta verkalýðsfélag Ítalíu, CGIL, stóð fyrir mótmælum og verkföllum í fjölmörgum borgum landsins.

Það var ekki aðeins á Ítalíu sem menn lögðu niður störf og tóku sér mótmælaspjöld í hönd, því svipað var uppi á teningnum víða í suðurhluta Evrópu.

Að sögn embættismanna söfnuðust tugþúsndir háskólanema og verkamanna á götum Rómar, Mílanó, Tórínó og í um 100 öðrum borgum og bæjum. Fólkið krafðist þess að staðið yrði vörð um störf þeirra og lífeyri á meðan það hrópaði slagorð gegn Mario Monti, forsætisráðherra Ítalíu.

Í Tórínó tókst aðgerðarsinnum að ná skrifstofum héraðsyfirvalda á sitt vald tímabundið. Þá drógu þeir fána mótmælahreyfingarinnar að húni þar sem verið er að leggja brautarteina fyrir nýja háhraðalest.

mbl.is

Bloggað um fréttina

Frá Sýrlandi til Evrópu - Greinaflokkur

PÚSTKERFI Á HAGSTÆÐU VERÐI
Eigum fyrirlyggjandi PÚSTKERFI í flestar tegundir bifreiða. Einnig STÝRISLIÐI ...
VÖNDUÐ VEL BÚIN KENNSLUBIFREIÐ
Vönduð, vel búin kennslubifreið Subaru XV 4WD . Akstursmat og endurtökupróf. Gyl...
Til sölu Mitsubishi Outlander 2007
1 eigandi frá upphafi, ekinn aðeins 75.000 km. 5 gíra, bensín, 4WD, ný dekk, nýj...
Ukulele
...
 
Félagsstarf
Staður og stund
Aflagrandi 40 Opin vinnustofa kl. 9, for...
Eldri borgarar
Staður og stund
Aflagrandi 40 Opin vinnustofa kl. 9 og g...
Samþykkt breyting á deiliskipulagi
Tilkynningar
Samþykkt breyting á deiliskipulagi Da...
Framhald
Nauðungarsala
Uppboð Einnig birt á www.naudungarsolu...