Mikill meirihluti Ísraela er andsnúinn því að hluti Jersúsalem, höfuðborgar Ísraels, verði höfuðborg nýs ríkis Palestínumanna samkvæmt niðurstöðum skoðanakönnunar sem birtar voru í dag.
Fram kemur í frétt AFP að 74% Ísraela séu andsnúnir þeirri hugmynd en 15% hlynnt henni. Innan við 10% Ísraela styðja ennfremur að stofnað verði palestínskt ríki innan þeirra landamæra sem til staðar fyrir sex daga stríðið árið 1967 en stríðið hófst á þessum degi þð ár. Í stríðinu lagði Ísrael undir sig austurhluta Jersúsalem, Vesturbakkann og Gazaströndina. Engu að síður segjast 67% aðspurðra styðja þá hugmynd að stofnað verði ríki Palestínumanna við hlið Ísraels í því skyni að binda enda á átökin við Palestínumenn en þriðjungur er því andvígur.
Skoðanakönnunin var gerð síðastliðinn mánudag af rannsóknarstofnuninni Rafi Smith Research og var úrtakið 500 Ísraelar. Vikmörkin eru 4,5%.