Utanríkismálanefnd öldungadeildar Bandaríkjaþings samþykkti í dag með 10 atkvæðum gegn 7 að styðja tillögu sem heimilar loftárásir á Sýrland. Búist er við að gerðar verði árásir á landið í næstu viku.

Tillagan gerir ráð fyrir að heimilað verði að gera takmarkaðar árásir á Sýrland í 90 daga og að heimilt verði að framlengja þessar árásir um 30 daga til viðbótar. Ekki er gert ráð fyrir að bandarískir hermenn séu sendir til Sýrlands.

Tillagan verður tekin fyrir í öldungadeildinni í næstu viku. Demókratar fara með meirihluta í öldungadeildinni, en Repúblikanar í fulltrúadeildinni.

Fyrr í dag var ákveðið að umræða færi fram í franska þinginu um mögulega árás á Sýrland. Þingið mun ekki greiða atkvæði um málið, en samkvæmt lögum í Frakklandi hefur forseti landsins heimild til að taka ákvörðun um beitingu hervalds.

Tengdar fréttir

Sýrland

Helsti ráðgjafi Hisbollah sá sem ráðinn var af dögum

• Fórnarlömb mannskæðrar árásar jörðuð
• Olíuflutningaskipið sagt mjög laskað
• Vill réttarhöld yfir Assad
• Jórdanar sagðir hafa fellt fíkniefnabarón

» Fleiri tengdar fréttir

• 3 blogg um fréttina

Bloggað um fréttina

• Kristbjörn Árnason: 10 menn ákveða árás á saklaust fólk
• Óðinn Þórisson: Árás til Friðar
• Jónatan Karlsson: Sölumenn dauðans