F-35 uppfull af göllum - Kostar í kringum 1.726 Hörpur

F-35 orrustuþota.
F-35 orrustuþota. Wikipedia

Stofnun sem hefur eftirlit með bandaríska hernum segir að illa hafi verið staðið að gerð nýjustu orrustuflugvélar flugflota Bandaríkjahers, F-35. Þetta kunni að hafa áhrif á áreiðanleika hennar, frammistöðu og kostnað.

Eftirlitsstofnunin benti á 363 vandamál við hönnun og framleiðslu vélarinnar, en henni er ætlað að vera meginuppistaðan í framtíðarflugflota hersins. Þetta vekur upp spurningar um ágæti þess að ráðast í hönnun vélarinnar og þann gríðarmikla kostnað sem henni hefur fylgt.

Heildarkostnaður við hönnun og smíði vélarinnar nemur nú 395,7 milljörðum Bandaríkjadala, eða því sem samsvarar 47.464.215.000.000 krónum; 47,4 þúsund milljörðum króna á gengi dagsins.

Þessum kostnaði verður þó dreift niður á fjöldamörg eintök vélarinnar, svo ekki er um stykkjaverð að ræða, heldur heildarverð verkefnisins. Gert er ráð fyrir að um 3.100 vélar verði framleiddar.

Til samanburðar má nefna að tónlistarhúsið Harpa kostaði samkvæmt opinberum gögnum um 27,5 milljarða króna. Hönnun orrustuþotunnar hefur því kostað það sem samsvarar því að byggja um 1.726 Hörpur.

Ef þessum Hörpum væri dreift jafnt á Þjóðveg 1 væru rúmlega 770 metrar á milli Harpnanna.

mbl.is

Bloggað um fréttina

Frá Sýrlandi til Evrópu - Greinaflokkur

ÚTI HRINGSTIGAR
Vantar stiga af svölunum ofan í garðinn ? Hringstigar 120, 140 og 160 cm þvermá...
Flugárið 2017....
Til leigu skemmtileg einkaflugvél. Mjög hagkvæm í rekstri. 4 sæti. Uppl. 898603...
NOTAÐ&NÝTT
NOTAÐ&NÝTT er ný verslun á Skemmuvegi 6 á bak við Byko. Mikið úrval af fallegum ...
Vatnsheld Einangrun
FinnFoam XPS. 585X1235:100. s:822-5950...
 
Félagsstarf
Staður og stund
Árskógar 4 Smíðar/útskurður m./leiðb. kl...
Samkoma fellur niður í kvöld
Félagsstarf
Hörgshlíð 12 Samkoma fellur niður í kv...
Framhald uppboðs
Nauðungarsala
Uppboð Einnig birt á www.naudungarsolu...
Félagsstarf
Staður og stund
Árskógar 4 Smíðar/útskurður með leiðb. k...