Dómstóll fer fram á að Grænfriðungum verði sleppt
Setja bókamerki
Hafréttardómstóll Sameinuðu þjóðanna, sem hefur aðsetur í Hamborg í Þýskalandi, hefur fyrirskipað rússneskum stjórnvöldum að sleppa úr haldi Grænfriðunum og skipi þeirra, en hópurinn var tekinn höndum í kjölfar mótmæla gegn olíuborun á norðurheimskautinu.
Dómstóllinn sagði ennfremur, að leggja ætti 3,6 milljóna evra lausnargjald.
Rússnesk stjórnvöld sendu frá sér yfirlýsingu í kjölfarið, en þau segja að dómstóllinn hafi enga lögsögu í þessu máli.
Skip Grænfriðunga, The Arctic Sunrise, var stöðvað og áhöfnin, samtals 30 manns, var handtekin í september sl. Búið er að sleppa öllum nema einum manni gegn greiðslu tryggingargjalds.
Skipið sigldi undir hollenskum fána þegar það var stöðvað og leit var framkvæmd í því.
Hollensk yfirvöld, sem höfðuðu málið, færðu rök fyrir því að Rússar hefðu brotið alþjóðlög með því að virða ekki frelsi manna til siglinga.
Grænfriðungarnir stóðu fyrir mótmælum gegn olíuborun á norðurheimskautinu, en hún fór fram á rússneskum borpalli.
Upphaflega var hópurinn ákærður fyrir sjórán. Ákærunni var síðar breytt í spellvirki.
Rússar halda því fram að þeim hafi verið heimilað að handtaka fólkið því það hafi verið að brjóta rússnesk lög.
Ótímabundin leyfi verði líklega ekki gefin út
Enginn tími til að hemla
Stjórnvöld hafa tvo mánuði til að bregðast við
Framboð Viktors metið gilt
Móðirin sögð hafa játað að verða syni sínum að bana
Átta létust og 229 slösuðust alvarlega
90% samþykktu verkfallsaðgerðir
