Njósnir NSA úrskurðaðar löglegar

Dómstóll í New York-ríki í Bandaríkjunum hefur úrskurðað upplýsingasöfnun NSA löglega. Söfnunin nær til næstum allra símtala í landinu. Dómarinn sagði að upplýsingasöfnunin, sem framkvæmd er með lagastoð í 215. grein „patriot act,“ sem eru lög sem sett voru í landinu í kjölfar árásanna á tvíburaturnana 11. september árið 2001, væri lögleg. 

Úrskurður þessi gengur í berhögg við annan úrskurð sem féll fyrir tíu dögum. Þar komst dómari í Washington að þeirri niðurstöðu að gagnasöfnun NSA væri ólögmæt og lýsti hann henni enn fremur sem „orwellian“.

Talið er líklegt að spurningin um lögmæti upplýsingasöfnunarinnar muni enda fyrir Hæstarétti landsins. 

• 1 blogg um fréttina

Bloggað um fréttina

• Wilhelm Emilsson: Endar sennilega fyrir hæstarétti