Viktor Janúkóvítsj, fyrrverandi forseti Úkraínu, hefur formlega óskað eftir því við ráðamenn í Rússlandi að þeir sendi herlið sitt til Úkraínu. Þetta vill hann gera svo hægt verði að koma á lögum, reglu og friði í landinu.

Þetta kom fram á neyðarfundi Sameinuðu þjóðanna í kvöld. Vitaly Churkin, sendiherra Rússlands hjá SÞ, las bréfið frá Janúkóvíts á fundinum.

„Úkraína er á barmi borgarastyrjaldar. Í landinu ríkir öngþveiti og stjórnleysi,“ segir í bréfinu. Hann segir að lífi og réttindum fólks, sérstaklega á suðausturhluta Krímskaga, sé ógnað.

Með áhrifum vesturveldanna væru framin hermdarverk á svæðinu og ofbeldi viðgengist fyrir opnum tjöldum. Sagði hann einnig að fólk væri ofsótt vegna tungumálsins og stjórnmálalegra ástæðna.

„Með vísun í þetta vil ég biðja forseta Rússlands, Vladímír Pútín, að senda herlið til að tryggja frið, lög og reglu, stöðugleika og verja íbúa Úkraínu.“

Tengdar fréttir

Úkraína

Selenskí á lista yfir eftirlýsta glæpamenn

• Gervigreindar-talskona tekur til starfa
• Sóttu harkalega að orkuinnviðum
• Leggjast gegn hernaðarstuðningi við Úkraínu
• Landbúnaðarráðherra Úkraínu handtekinn

» Fleiri tengdar fréttir

• 1 blogg um fréttina

Bloggað um fréttina

• Kristján Þorgeir Magnússon: Yanukovich