Ebóla mögulega í Kanada

Starfsmenn WHO verja sig fyrir ebóla-veirunni.
Starfsmenn WHO verja sig fyrir ebóla-veirunni. AFP

Heilbrigðisyfirvöld í Kanada greindu frá því í dag að einstaklingur sem nýverið kom til landsins frá Vestur-Afríku hafi verið fluttur alvarlega veikur á sjúkrahús. Óttast er að maðurinn hafi smitast af ebóla-veirunni sem dregið hefur tugi manna til dauða í Gíneu undanfarið.

„Það sem við vitum á þessu stigi málsins er að einstaklingurinn er alvarlega veikur og að hann kom frá landi þar sem sjúkdóm sem þennan má finna,“ sagði Denise Werker, yfirmaður heilbrigðismála í héraðinu Saskatchewan í vesturhluta Kanada, við blaðamenn í dag. Einnig kom fram að einstaklingurinn beri einkenni ebóla-veirunnar.

Ekki hefur verið gefið út hvers kyns sjúklingurinn er, þjóðerni hans eða aldur.

Eins og kom fram á mbl.is í dag þá berjast hjálparstarfsmenn og heilbrigðisyfirvöld við ebóla-faraldur sem brotist hefur út í Gíneu. Að minnsta kosti 59 hafa látist á undanförnum dögum vegna vírussins, aðallega í skógunum í suðurhluta landsins.

Ebóla er einn mannskæðasti vírus í heimi. Hann fannst fyrst í Austur-Kongó árið 1976. Átta faraldrar hafa brotist þar út síðan. 

Varað hefur verið við því að veiran geti breiðst út til annarra landa.

mbl.is

Frá Sýrlandi til Evrópu - Greinaflokkur

Dúskar með smellu Þvottabjörn
Til sölu mjög fallegir dúskar ekta þvottabjarnaskinn eru með smellu verð 1800kr ...
LOFTASTIGAR _ LÚGUSTIGAR _ LÍKA EFTIR MÁLI
Vel einangraðir lofta/lúgu stigar, 68x85 og 55x113, smíðum líka eftir máli. Álst...
 
Onrs- 2017- 19 ræstingaþjónusta
Tilboð - útboð
/ 14.12.2017 Útboð Orka náttúrunna...
Félagsastarf
Staður og stund
Aflagrandi 40 Opin vinnustofa kl. 9 og s...
Arkitekt/byggingafræðingur
Sérfræðistörf
VIÐ ERUM AÐ RÁÐA! ARKITEKT // BYGGIN...
Deiliskipulag
Tilkynningar
Skútustaðahreppur Auglýsing um deilis...