Tuttugu og tveir jórdanskir lögreglumenn og þrír sýrlenskir flóttamenn slösuðust í átökum í flóttamannabúðum í Jórdaníu í dag, en lögregla beitti táragasi til að tvístra mótmælendum sem höfðu safnast saman í búðunum.
Að sögn vitnis lét sýrlensk flóttakona lífið, en það hefur ekki verið staðfest. Mótmælendurnir brenndu sex tjöld og tvær bifreiðar og reyndu því næst að ráðast á lögreglustöð. 100 þúsund sýrlenskir flóttamenn búa í Zaatari-flóttamannabúðunum. Í heildina búa 500 þúsund sýrlenskir flóttamenn í Jórdaníu.