Jarðskjálfti sem mældist 7,0 stig reið yfir Mexíkóborg í dag, föstudaginn langa. Byggingvar svignuðu, rúður brotnuðu og fólk hljóp út á götur, að sögn yfirvalda. Ekki hafa borist fregnir af manntjóni.
Borgarstjóri Mexíkóborgar, Miguel Angel Mancera, sagði á Twitter að yfirvöld séu að fara yfir stöðuna og kanna hve mikið tjón varð af skjálftanum.
Skjálftinn átti upptök sín í ríkinu Guerrero í suðvesturhluta Mexíkó.