Ekkja reykingamanns fær háar bætur

Einn stærsti tóbaksframleiðandi í Bandaríkjunum var í gær dæmdur til að greiða ekkju reykingamanns sem lést úr lungnakrabbameini 23,6 milljarða bandaríkjadala í skaðabætur.

BBC greinir frá þessu.

Þar að auki var RJ Reynolds-tóbaksfyrirtækið dæmt til að greiða 16,8 milljónir dala í miskabætur. Forsvarsmaður fyrirtækisins segir niðurstöðuna vera óhóflega og að hún gangi bæði gegn ríkislögum og stjórnarskránni.

Cynthia Robinson hóf málarekstur gegn fyrirtækinu árið 2008 þar sem hún fór fram á bætur vegna dauða eiginmanns síns árið 1996.  Robinson hélt því fram að framleiðandinn hefði gerst sekur um vanrækslu með því að upplýsa ekki viðskiptavini sína um hætturnar sem fylgja reykingum. Vanrækslan hafi leitt til þess að eiginmaður hennar fékk lungnakrabba eftir að hafa orðið háður reykingum og ekki náð að hætta þrátt fyrir ítrekaðar tilraunir.

„RJ Reynolds-fyrirtækið tók áhættu þegar það framleiddi sígarettur og seldi neytendum án þess að upplýsa þá um hætturnar sem því fylgja,“ sagði lögmaður Robinson, Willie Gary. „Við vonumst til þess að niðurstaðan sendi skýr skilaboð til RJ Reynolds og annarra tóbaksframleiðanda og neyði þá til þess að hætta að stofna lífi saklausra borgara í hættu,“ sagði hann.

RJ Reynolds mun áfrýja niðurstöðunni að sögn aðstoðarforstjóra fyrirtækisins. „Niðurstaðan fer langt út fyrir öll sanngirnismörk og gengur gjörsamlega gegn sönnunargögnum málins,“ sagði í yfirlýsingu. „Við munum áfrýja mjög fljótlega og erum þess fullvissir að lögum verði fylgt og dómurinn því ekki látinn standa.“

Bæturnar eru sagðar þær hæstu sem dæmdar hafa verið í einkamáli í Flórídaríki.

Svipuðum málum hefur lokið með lægri bótafjárhæð eftir að áfrýjunardómstóll sagði reykingamenn og fjölskyldur þeirra einungis þurfa að sanna að fíkn og reykingar hefðu valdið veikindum þeirra.

mbl.is

Bloggað um fréttina

Frá Sýrlandi til Evrópu - Greinaflokkur

Nokkrar notaðar saumavélar til sölu !!
Nokkrar tegundir, ýmsar gerðir. Allar ástandsskoðaðar og prófaðar af fagmanni. V...
VIÐHALD FASTEIGNA
Við þjónustum þig með lítil sem stór verk. Tímavinna eða tilboð. sími: 544-44...
Nissan Leaf útsala!
Nissan Leaf útsala! 2015 bílar, eknir milli 20 og 35 þús. Nokkrir litir. Allir m...
ÚTI HRINGSTIGAR
Vantar stiga af svölunum ofan í garðinn ? Hringstigar 120, 140 og 160 cm þvermá...
 
Opinn fundur
Fundir - mannfagnaðir
Sjálfstæðisflokkurinn í Hafnarfi...
Eldri borgarar
Staður og stund
Aflagrandi 40 Dagurinn byrjar á opinni v...
Framhaldssölur
Nauðungarsala
Uppboð Einnig birt á www.naudungarsolu...
Hádegisfundur ses
Fundir - mannfagnaðir
ses.xd.is Samtök eldri sjálfstæði...