Hollenski herinn býr sig undir að senda hersveitir til Úkraínu til að ná flakinu af MH17 úr höndum uppreisnarmanna. Þetta er haft eftir varnarmálaráðuneyti Hollands.

Forsætisráðherra Hollands, Mark Rutte sagði í dag að ákvörðun um hvort hersveitir verði sendar til landsins gæti verið tekin um helgina.

Hollenskum hermönnum hefur verið gert að vera í viðbragðsstöðu í herstöðvum, og öll leyfi hermanna hafa verið afturkölluð.

Flestir þeirra sem fórust í flugslysinu voru af hollenskum og áströlskum uppruna. Báðar þjóðirnar leita nú leiða til að senda hermann sína á vettvang til að ná flakinu úr höndum uppreisnarmanna. Meðal annars er verið að kanna hvort Öryggisráð Sameinuðu þjóaðanna álykti að senda hersveitir á vettvang.

Hollendingar hafa þegar sent 40 óvopnaða herlögreglumenn á staðinn, en rannsóknarmenn hafa ekki getað komist að flakinu af öryggisástæðum.

Tengdar fréttir

Farþegaþota hrapar í Úkraínu

Pútín beri ábyrgð á vopninu sem grandaði vélinni

• Rannsókn á máli MH17 hætt
• Rússar segja dóminn hneyksli
• Þrír sakfelldir fyrir að granda MH17
• Gengu erinda hersins þegar þeir grönduðu MH17

» Fleiri tengdar fréttir

• Blogga um frétt