Maður var lagður inn á sjúkrahús í New York borg í dag, en talið er mögulegt að hann sé smitaður af ebóla-veirunni. Maðurinn hefur þjáðst af einkennum sem svipar til smits auk þess sem hann ferðaðist nýlega til lands í Vestur-Afríku samkvæmt tilkynningu frá sjúkrahúsinu, en ekki var tilgreint hvert landið væri.

Hann er nú í algjörri einangrun og gengst undir ýmsar rannsóknir þar sem reynt er að komast að rótum einkennanna. Fram kom í tilkynningunni að öll nauðsynleg skref væru tekin til að tryggja öryggi annarra sjúklinga, starfsfólks og gesta sjúkrahússins. 

Einkenni ebólusmits eru m.a. hár hiti, uppköst, mikill höfuðverkur og eymsli í vöðvum. 

Bandaríski læknirinn Kent Brantly er smitaður af veirunni, en hann dvelur nú á Emory- háskólasjúkrahúsinu í borginni Atlanta í Georgíuríki Bandaríkjanna. Hann virðist vera á batavegi samkvæmt læknum á sjúkrahúsinu. 

Tengdar fréttir

Ebólufaraldurinn

Ný ebólusmit í Kongó

• Ebólublaðamaður myrtur í Kongó
• Ný ebólusmit í Kongó
• Læknar ákærðir fyrir morð á lækni
• Loka landamærum vegna ebólufaraldurs

» Fleiri tengdar fréttir

• 2 blogg um fréttina

Bloggað um fréttina

• ÞJÓÐARSÁLIN: Nei þetta er ekki ebóla - að vísu alveg eins …
• Ásgrímur Hartmannsson: Sjáum nú hvernig plágunni gengur í sterílu umhverfi