Norður-Kóreumenn vísa ásökunum á bug
Kim Jong-Un, leiðtogi Norður-Kóreu.
AFP
Setja bókamerki
Norður-kóresk stjórnvöld segja ekkert hæft í því að eldflaugatilraunir þeirra tengist heimsókn Frans páfa til Suður-Kóreu, nágranna sinna. Í yfirlýsingu frá stjórnvöldum í Pyongyang, höfuðborg Norður-Kóreu, lýsa þau jafnframt furðu á því að páfinn skuli heimsækja Suður-Kóreu á þessum degi.
Lengi hafi staðið til að skjóta upp eldflaugum til að minnast sjálfstæðis Kóreu frá hernámi Japana árið 1945. Þetta sé árviss viðburður, að því er fram kemur í frétt AFP.
Um er að ræða fyrstu heimsókn páfa til Asíu í fimmtán ár. Stjórnvöld í Suður-Kóreu hafa sakað nágranna sína um að reyna að auka spennuna á svæðinu með eldflaugatilraunum sínum.
Hætta vegna jarðfalls í sprungur metin töluverð
Komu saman á kyrrðar- og bænastund
Maðurinn sem leitað var að fannst látinn
Eina leiðin var að fella björninn
Óánægja er með áform um efnistöku
Íslensk hljómsveit margritskoðuð í Kína